Haitian Creole Bible

Psalms 136

Psalms

Return to Index

Chapter 137

1

¶ Nou te chita bò larivyè ki nan peyi Babilòn yo, nou t'ap kriye lè nou chonje peyi Siyon.

2

Nou te pandye gita nou yo nan branch pye sikren peyi a.

3

Moun ki te fè nou prizonye yo t'ap mande pou nou chante pou yo. Moun ki t'ap peze nou yo t'ap mande pou nou anmize yo: -Chante yon chante peyi Siyon pou nou non!

4

Ki jan ou ta vle pou n' chante yon chante Seyè a nan yon peyi etranje?

5

Si nou bliye ou, Jerizalèm. se pou nou bliye ki jan pou nou sèvi ak men dwat nou tou.

6

Si nou pa chonje ou, si nou pa konsidere ou tankou pi gwo kontantman nou, se pou lang nou kole nan fon bouch nou.

7

¶ Seyè, chonje sa moun peyi Edon yo te fè jou yo te pran lavil Jerizalèm. Chonje jan yo t'ap di: Kraze l'! Kraze l' ratè!

8

Nou menm moun lavil Babilòn, yo gen pou yo fini ak nou yon lè. Benediksyon pou moun ki va fè ou sibi menm bagay ou te fè nou sibi a.

9

Benediksyon pou moun ki va pran pitit ou yo, ki va kraze yo sou gwo wòch!

Psalms 138

 

 

 

HTMLBible Software - Public Domain Software by johnhurt.com